தானம் தவம்இரண்டும் தங்கா வியன்உலகம்
வானம் வழங்கா தெனின்.

தானம் - பிறருக்கு உதவுவதற்காகப் பொருள் கொடுத்தல்
தவம் - மனத்தை அடக்கி மேற்கொள்ளும் அறச்செயல்
இரண்டும் - தானமும் தவமும்
தங்கா - நிலைபெறாது
வியன்உலகம் - அகன்ற உலகம்
வானம் - மழை
வழங்கா - பெய்யாமல் இருந்தால்
எனின் - என்றால்

மழை பெய்யாமல் இருந்தால், இந்த அகன்ற உலகில் பிறருக்கு உதவுவதற்காகச் செய்யும் தானமும், தன்னை ஒழுக்கப்படுத்திக் கொள்வதற்காகச் செய்யும் தவமும் நடைபெறாது.

மழை இல்லையென்றால் தானமும் தவமும் நடைபெறாது.