இருமை வகைதெரிந்து ஈண்டுஅறம் பூண்டார்
பெருமை பிறங்கிற்று உலகு.

இருமை - இம்மை (இவ்வுலக வாழ்க்கை), மறுமை (மரணத்திற்குப் பிந்தைய வாழ்க்கை) ஆகிய இரண்டு நிலைகள்
வகைதெரிந்து - தன்மையை ஆராய்ந்து அறிந்து
ஈண்டு - இவ்வுலகில்
அறம் - அறநெறி
பூண்டார் - மேற்கொண்டவர்கள்
பெருமை - சிறப்பு
பிறங்கிற்று - உயர்ந்து விளங்கியது
உலகு - உலகில்

இம்மை (இவ்வுலக வாழ்க்கை), மறுமை (மரணத்திற்குப் பிந்தைய வாழ்க்கை) ஆகிய இரண்டின் தன்மையை அறிந்து, இவ்வுலகில் அறநெறியை மேற்கொண்ட துறவிகளின் பெருமை உலகில் உயர்ந்து விளங்குகிறது.

இம்மை, மறுமை ஆகியவற்றின் தன்மையை அறிந்து அறநெறியை மேற்கொண்டவர்களின் பெருமை உலகில் உயர்ந்து விளங்குகிறது.