30. தாம்தாம்முன் செய்தவினை தாமே அனுபவிப்பார்
பூந்தா மரை யோன் பொறிவழியே - வேந்தே
ஒறுத்தாரை என்செயலாம் ஊரெல்லாம் ஒன்றா
வெறுத்தாலும் போமோ விதி.

பிரம்மன் (பூந்தாமரையோன்) எழுதிய தலைவிதியின்படியே, மனிதர்கள் ஒவ்வொருவரும் தாங்கள் முற்பிறவிகளில் செய்த நல்வினை மற்றும் தீவினைகளின் பயன்களை இப்பிறப்பில் தாங்களே அனுபவிப்பார்கள். அரசனே! நமக்குத் தீங்கு செய்த பகைவர்களை நாம் கோபித்து என்ன பயன்? இந்த ஊர் மக்கள் அனைவரும் ஒன்றாகச் சேர்ந்து நம்மை வெறுத்து ஒதுக்கினாலும், நம்முடைய விதியின் பயனை அனுபவிப்பதிலிருந்து நாம் தப்பிக்க முடியாது.